兩和講真有入場都知其實對飛馬如果對手Full Team ,南華收尾一定輸
我對飛馬果場完左我仲對羅生講話"場波好假呀"
羅生應該知我係邊個.
作為球迷,我覺得亂Up24發洩下不滿都無不可.
不過站在足球訓練員專業上,其實南華既問題有Ｄ水準既足球訓練員一定睇到.
1.機動力不足
打主攻,第一件事一定要明白,對家死守你打主攻
咁對手人數就會有優勢,要入波幾時都難左,禁區小左空位
咁主攻一定要壓迫對手令對手出錯,你至會有機會
而同時亦要保持控球權,令自己有進攻機會.
依Ｄ至叫打主攻.
對飛馬一戰,成日比飛馬突擊,正正因為前方冇人壓迫對手
對手解圍又追唔到個解圍球,比岡野,李康廉幾次大機會反擊
你夠機動力一早包曬Ｄ波,仲點會爭Ｄ連一分都冇埋.
2.打過多高波
對家死守,用高波無疑有直接攻擊機會
不過人地防守有優勢,你不停用高波,即使你高又點
對方咁多人要搶點唔難,何況你得一招
進攻方式得一招,又點拉開對手防線
相反打亞協果時,有高波,有破越位,有死球,有禁區外遠射
咁果時進攻咪有層次,比到人壓力咯
3.持久力
我仲記得,幾年前跟招積學五人足球教練
當時同招積傾過究竟足球員需要技術定體力多Ｄ
招積話:當足球員大量時間苦練技術時,佢體力速度自然提升
相反你只以一支田徑隊員般好體能的人去踢足球,技術太劣亦冇得分能力.
但我的角度是:運動的根本,本來就是以體力支持身體運作
遊水運動員也要長跑練氣,短跑運動員每日的負重練習比在運動場跑步時間更長.
有上佳體能才能不停地徹底發揮技術,體能才是速度及機動力的保證
有體力才有能力遠射,現代足球體能才是致勝秘技
請認清運動的基本原點!!!!
其實,體力,速度,進攻方式
以上三點才是南華不勝之迷
做人跟踢足球一樣,怪責對手前先怪責自己
